თელავის ისტორიულ უბანში მდებარე კვირიკეს გალავანსა და ეკლესიის ფასადზე განათება დამონტაჟდა

თელავის ისტორიულ უბანში მდებარე კვირიკეს გალავანსა და ეკლესიის ფასადზე განათება მოეწყო.ამის შესახებ “აიპრესს” თელავის მერიის ძეგლთა დაცვის განყოფილების უფროსმა განუცხადა.

ვახტანგ გაგნიძის ინფორმაციით, გალავანისა და კარის ეკლესიის ტერიტორია, რომელიც რამდენიმე საუკუნეზე მეტი დროის განმავლობაში მიტოვებული და დაბინძურებული იყო , ცოტა ხნის წინ დასუფთავდა და განათებაც მას შემდეგ მოეწყო.

“უძველეს ისტორიულ ძეგლზე განათების მოწყობამ, ტერიტორია უფრო მიმზიდველი და საინტერესო გახადა როგორც თელაველებისთვის, ასევე ქალაქის სტუმრებისთვის. განათებული კვირიკეს გალავანი და კარის ეკლესია ღამით ულამაზესი სანახავია და ვფიქრობთ, ტურისტების ერთერთი საყვარელი ადგილი გახდება. ტერიტორიაზე მომავალი წლიდან ვგეგმავთ ასევე არქეოლოგიური სამუშაოების ჩატარებას, სადაც სავარაუდოდ, კვირიკეს სასახლის ნაშთებს მივაგნებთ. ტერიტორიაზე ყველა სამუშაო ალავერდის ეპარქიასთან ურთიერთთანამშრომლობით ხორციელდება”, – განუცხადა “აიპრესს” გაგნიძემ.

ტერიტორიის დასუფთავებისთვის თელავის მერიამ 5 ათასი ლარი გამოყო, ხოლო გარე განათების მოწყობაზე ბიუჯეტიდან 10 ათასი ლარი დაიხარჯა.

Comments
Loading...