- Advertisement -

თელავში, გარემოვაჭრეები აქციას მართავენ

ამ წუთებში აქცია მიმდინარეობს თელავის ცენტრალურ მოედანზ, სადაც ცოტა ხანში ერეკლეობისადმი მიძღვნილი ღონისძიებები უნდა დაიწყოს.

ერეკლე მეორის ციხე-გალავნის მიმდებარე ტერიტორიაზე საპროტესტო აქციას გარემოვაჭრეები მართავენ. კახეთის სხვადასვა ქალაქიდან ჩამოსულ გარემოვაჭრეებს თელავის მერიის ზედამხედველობის სამსახურის წარმომადგებლები ვაჭრობის უფლებას არ აძლევენ, თუმცა ღონისძიებების ადგილიდან მოშორებით ალტერნატიულ ფართს სთავაზობენ, რაც მათთვის მიუღებელია. მოვაჭრეების თქმით, მერიის მიერ შეთავაზებულ ტერიტორიაზე ხალხი არ მოძრაობს და იქ დგომას აზრიც არ აქვს.

,, ჩვენ შვილები გვყავს, ორი კაპიკი რომ ვიშოვოთ და სახლში პური მივიტანოთ, ამის საშუალებასაც გვისპობენ”- აცხადებენ მოვაჭრეები.
მერიის ზედამხედველობის სამსახურის უფროსის, ლევან ბერძენაშვილის განაცხადებით, მერიის მიერ გარემოვაჭრობის შესახებ მიღებულია დადგენილება და შესაბამისად აკრძალვები კანონიერების ფარგლებში ხორციელდება.

Comments
Loading...