- Advertisement -

კასპში, ვარჯაანის დასახლებაში ჩოლოყაშვილის ქუჩის მოასფალტების სამუშაოები მიმდინარეობს

კასპში, ვარჯაანის დასახლებაში ჩოლოყაშვილის ქუჩის მოასფალტების სამუშაოები – მუნიციპალიტეტის მერის მოადგილემ ზაზა მარიდაშვილმა დაათვალიერა.

ელექტრონულ ტენდერში გამრჯვებული შპს „მილენიუმ ბილდერ გრუპი“ ამჟამად, ტრასის აღდგენასა და რკინაბეტონის კივუეტების ჩალაგებაზე მუშაობს. პარალელურად სს „სილქნეტი“ს ბოძების გადატანა მიმდინარეობს, რათა გზის რეაბილიტაციას ხელი არ შეეშალოს.
ჩოლოყაშვილის ქუჩა, რომლის სიგრძე 737 გრძივი მეტრია დასახლების სხვა ქუჩების შემაერთებელია.

მის კეთილმოწყობაზე 510 905 ლარი იხარჯება, რომელიც მუნიციპალიტეტის ადგილობრივი ბიუჯეტიდან ფინანსდება.

მუნიციპალიტეტი ქალაქის ინფრასტრუქტურის განვითარებას, მათ შორის ქუჩების რეაბილიტაციას განსაკუთრებულ ყურადღებას აქცევს, ქალაქში ასევე გრიშაშვილის ქუჩის (ე.წ. „მუხი“-ს გაზა) 500 მეტრიანი გზის ასფალტბეტონის საფარის მოწყობის სამუშაოებია დაწყებული – აღნიშნა ზაზა მარიდაშვილმა.

Comments
Loading...