ფოთში პოეზიის ფესტივალი და ტურნირი თევზჭერაში “ოქროს ლოქო 2018“ მიმდინარეობს

ამ წუთებში პირველად ფოთში, ნიკოლაძის სანაპიროზე, ღია ცის ქვეშ, პოეზიის ფესტივალი იმართება, რომელიც საქართველოს მწერალთა კავშირის, ფოთის საქალაქო ორგანიზაციის ინიციატივით ტარდება. მაყურებლებს, საქართველოს სხვადასხვა ქალაქიდან ჩამოსული მწერლები და პოეტები თავიანთ ახალ შემოქმედებას აცნობენ.

პოეზიის ფესტივალის პარალელურად, მდინარე რიონზე, თევზჭერის ღია ტურნირი _ „ოქროს ლოქო-2018“ მიმდინარეობს. გამარჯვებული ტურნირის მთავარი პრიზით, ვერცხლის ფარფლებიან და ოქროსულვაშა ლოქოს თასით დაჯილდოვდება. ტურნირში 24 თევზჭერის მოყვარული მონაწილეობს. გამარჯვებულად ის ითვლება, რომელიც ყველაზე დიდი ზომის ლოქოს დაიჭერს.

“დღევანდელი დღე არის აგიტირება ქართული ხელოვნების და რა თქმა უნდა პოეზიის,პროზის. ასევე მიზნად ისახავს თანამედროვე ავტორების გაცნობას მკითხველებისთვის. ეს არის ერთგვარი მოწოდება ახალგაზრდებისადმი,რომ უყვარდეთ ბუნება ,მდინარეზე ანკესებით თევზაობა და არ დაივიწყონ ქართული ტრადიციული სუფრა იმ ღირებულებებით და მნიშვნელობით,რომლითაც წინაპრებმა ჩვენამდე მოიტანეს” – განაცხადა „აიპრესთან“ საქართველოს მწერალთა კავშირის ფოთის საქალაქო ორგანიზაციის თავმჯდომარემ, ჭაბუკი ქოიავამ.

Comments
Loading...