ხაშურის ბაღები ახალი ინვენტარით აღიჭურვა

ხაშურის ბაღები ახალი ინვენტარით აღიჭურვა

ხაშურის სკოლამდელი აღზრდის დაწესებულებების-საბავშვო ბაღების გაერთიანებამ ხაშურის მეექვსე და ქვიშხეთის საბავშვო ბაღები საძინებლისთვის განკუთვნილი ტექსტილით და საბავშვო თეთრეულით აღჭურვა. უახლოეს დღეებში დაგეგმილია ბაღებში ავეჯის და ელექტრო ტექნიკის შეტანა,- ამის შესახებ ინფორმაციას ხაშურის მუნიციპალიტეტის გამგეობა ავრცელებს, 

რეგიონებში განსახორციელებელი პროექტების ფონდიდან გამოყოფილი სახსრებით განხორციელდა ხაშურში, თევდორე მღვდლის ქუჩაზე, #6 საბავშვო ბაღის სარეაბილიტაციო სამუშაოები.

# 6 საბავშვო ბაღის შენობა გასული საუკუნის 70-იან წლებში აშენდა და ავარიული მდგომარეობის გამო, წლების განმავლობაში, თავის ფუნქციებს ვეღარ ასრულებდა. ამჯერად კი თანამედროვე სტანდარტებით აშენებულ საბავშვო ბაღში, სკოლამდელი ასაკის ბავშვთა აღზრდა-განათლებისთვის საჭირო, ყველა პირობა იქნება გათვალისწინებული.
ასევე, თანადაფინანსებით განხორციელდა სოფელ ქვიშხეთში საბავშვო ბაღის მშენებლობა.

ქვიშხეთში, რომელიც მუნიციპალიტეტში ერთ-ერთი დიდი სოფელია, 20 წელზე მეტია, რაც საბავშვო ბაღი არ ყოფილა და ბოლო წლებში მხოლოდ ალტერნატიული ბაღი ფუნქციონირებდა, ამიტომ ახალი თანამედროვე სტანდარტების შესაბამისად აგებული საბავშვო ბაღი ქვიშხეთელი პატარებისთვის მნიშვნელოვანი საჩუქარი იქნება.

საბავშვო ბაღების გაერთიანების ხელმძღვანელის, დავით ნოზაძის განცხადებით, ქვიშხეთის და ხაშურის მეექვსე საბავშვო ბაღის აღსაზრდელები სააღმზრდელო დაწესებულებებით სარგებლობას ოქტომბრის ბოლოსთვის შეძლებენ.

საფრანგეთის განვითარების სააგენტო ხაშურის წყალმომარაგებისა და წყალარინების პროექტებს დააფინანსებს

საფრანგეთის განვითარების სააგენტო ხაშურის წყალმომარაგებისა და წყალარინების პროექტებს დააფინანსებს

27 ივნისი, 2018

ხაშურში წყლის ინფრასტრუქტურის განვითრების მხარდასაჭერად გარკვეული ინვესტიციის განხორციელება იგეგმება. აღნიშნული საკითხის განხილვა იყო საფრანგეთის განვითარების სააგენტოს (AFD) სამხრეთ კავკასიის პროექტების ხელმძღვანელთან ჟან-ბატისტ...

აფხაზეთი
პოპულარული სტატიები
ბათუმი
ოზურგეთი
ქუთაისი
თელავი
მცხეთა
ამბროლაური
ზუგდიდი
ფოთი
ახალციხე
რუსთავი
გორი