მგალობელ-მომღერალთა ანსამბლ "შემოქმედის" პირველი აუდიო ალბომის წარდგენა გაიმართა

მგალობელ-მომღერალთა ანსამბლ "შემოქმედის" პირველი აუდიო ალბომის წარდგენა გაიმართა

10 ოქტომბერს საქართველოს ფოლკლორის სახელმწიფო ცენტრის საგამოფენო დარბაზში გაიმართა მგალობელ-მომღერალთა ანსამბლ „შემოქმედის“ პირველი აუდიო ალბომის წარდგენა. ალბომი გამოიცა საქველმოქმედო ფონდ „ქართული გალობის“ ორგანიზებით და ხელშეწყობით.

მგალობელ-მომღერალთა ანსამბლი „შემოქმედი“ შემოქმედის ეპარქიის საკათედრო ტაძრის სამეუფეო გუნდის ბაზაზე, 2007 წელს ჩამოყალიბდა. 2014 წლიდან ანსამბლს რამდენიმე გამოცდილი მომღერალი დაემატა და წევრებმა ქართული ხალხური სიმღერების შესწავლა, უძველესი ვარიანტების მოძიება-აღდგენაც დაიწყეს. ამ პერიოდიდან „შემოქმედი“ ოზურგეთის მუნიციპალიტეტის გამგეობის კულტურის ცენტრის სახელითაც აგრძელებს საქმიანობას. ანსამბლის კონსულტანტი გახლავთ მომღერალი და ლოტბარი გური სიხარულიძე. „შემოქმედის“ ხელმძღვანელი – ლაშა ჩხარტიშვილი და თანაშემწე – მამუკა სირაძე გიორგი მთაწმინდელის სახელობის გალობის უმაღლესი სასწავლებლის კურსდამთავრებულები არიან.

„შემოქმედის“ მიზანი ქართული საეკლესიო გალობის, უპირატესად, ადგილობრივი – შემოქმედის სკოლის ნიმუშების შესწავლა, ღვთისმსახურებაში დაბრუნება და ძველი გურული სიმღერების მომავალი თაობისათვის გადაცემაა.

ანსამბლი წარმატებით გამოდის ტრადიციული მუსიკის კონცერტებსა და საღამოებზე, მონაწილეობს რესპუბლიკურ და საერთაშორისო ფესტივალებში; 2015-16 წლების საქართველოს ფოლკლორის ეროვნულ დათვალიერება-ფესტივალზე „შემოქმედი“ პირველი ადგილის მფლობელი გახდა - ნომინაცია: „ხალხური სიმღერის ახალგაზრდული ანსამბლი“.

ცქიტიშვილი: ჩემი საქმეა კორუფციული რისკების პრევენცია, ხოლო გამოძიება არის საგამოძიებო ორგანოების საქმე

ცქიტიშვილი: ჩემი საქმეა კორუფციული რისკების პრევენცია, ხოლო გამოძიება არის საგამოძიებო ორგანოების საქმე

16 საათის წინ

პარლამენტის რიგგარეშე სხდომაზე  დეპუტატმა ოთარ კახიძემ რეგიონული განვითარებისა და ინფრასტრუქტურის სამინისტროში კორუფციულ რისკებთან დაკავშირებით შეკითხვა მაია ცქიტიშვილს დაუსვა. "გუშინ, საკომიტეტო განხილვაზე, თქვენ თქვით, რომ...

აფხაზეთი
პოპულარული სტატიები
ბათუმი
ოზურგეთი
ქუთაისი
თელავი
მცხეთა
ამბროლაური
ზუგდიდი
ფოთი
ახალციხე
რუსთავი
გორი