iMtavroba

iBusiness

ქუთაისში, წერეთლის ქუჩის მაცხოვრებლები ხელისუფლებას უყურადღებობაში ადანაშაულებენ

ქუთაისში, წერეთლის ქუჩის მაცხოვრებლები ხელისუფლებას უყურადღებობაში ადანაშაულებენ
12 / 10 / 2017 11:43

ქუთაისში, წერეთლის ქუჩის მაცხოვრებლები ხელისუფლებას უყურადღებობაში ადანაშაულებენ. როგორც ადგილობრივები აცხადებენ, მათ საცხოვრებელ კორპუსში დაზიანებულია სახურავი და წვიმის დროს საცხოვრებელ სახლებში წყალი ჩადის. 

276 ნომერში მცხოვრები ნორა კორძაძის თქმით, რამდენჯერმე მიმართა მერიას დახმარებისთვის, თუმცა მერიაში განუცხადეს, რომ სახურავისთვის საჭირო მასალას თანადაფინანსებით მიცემენ.

" თანადაფინანსების საშუალება არ მაქვს, ექვსი სული ვცხოვრობთ და თავი ძლივს გაგვაქვს, მერიას ვთხოვ დამეხმარონ, წყალი ჩამოდის და ჭერი დაზიანდა, საცხოვრებლად უვარგისი გახდა"- განაცხადა ნორა კორძაძემ.

მოსახლეობის პროტესტს "თავისუფალი საქართველოს" ქუთაისის ორგანიზაცია შეუერთდა. გოგი წულაიას განცხადებით, მერიამ თავი უნდა დაანებოს რესტორნებსა და მივლინებებში ბიუჯეტის ხარჯვას და ადამიანების პრობლემების მოგვარებაზე იზრუნოს.

ქუთაისის მერიაში აცხადებენ რომ გადასახური მასალა მოსახლეობას უფასოდ მიეწოდება, მაგრამ იმისთვის რომ ნამდვილად კორპუსი გადაიხუროს და არ მოხდეს გასხვისება ამ მასალის, აუცილებელია ამხანაგობას ანგარიშზე ქონდეს გარკვეული თანხა, რომელსაც ამხანაგობებს კორპუსის გადახურვისთანავე დაუბრუნებენ.

Get Adobe Flash player

მსგავსი სტატიები

აფხაზეთი
ბათუმი
ოზურგეთი
ქუთაისი
თელავი
მცხეთა
ამბროლაური
ზუგდიდი
ფოთი
ახალციხე
რუსთავი
გორი