ახმეტაში პანკისი-თუშეთის გზის მშენებლობის პროექტის განხილვა გაიმართება

ახმეტაში პანკისი-თუშეთის გზის მშენებლობის პროექტის განხილვა გაიმართება

20 თებერვალს, 15:00 საათზე, ახმეტის მუნიციპალიტეტის მერიის შენობაში, სნო-ჯუთა-როშკა-შატილი-ომალო-ხადორის ხეობა-ბაწარა-ახმეტის საავტომობილო გზების მშენებლობა-რეკონსტრუქციის პროექტის ერთი ნაწილის საჯარო განხილვა გაიმართება.

ახმეტაში საჯაროდ განსახილველი პროექტი ძიბახევი-ხადორის ხეობის 6 კილომეტრიანი მონაკვეთის რეკონსტრუქცია/მშენებლობას მოიცავს.

საავტომობილო გზების დეპარტამენტის ინფორმაციით, საპროექტო მონაკვეთი სოფელ ბირკიანის ტერიტორიაზე იწყება, მიუყვება მდინარე ალაზნის მარჯვენა სანაპიროს (მდინარის მიმართულების საპირისპიროდ) და დასრულდება ხადორის ჰიდროელექტროსადგურის მიმდებარე ტერიტორიაზე.

ძიბახევი - ხადორის გზის რეკონსტრუქცია სნო-ჯუთა-როშკა-შატილი-ომალო-ხადორის ხეობა-ბაწარა-ახმეტის გზის პროექტის ნაწილია. მთავრობა მაღალმთიანი რეგიონების დამაკავშირებელი გზების მშენებლობაზე დაახლოებით 140 მილიონი ლარის დახარჯვას აპირებს.

პროექტის ფარგლებში დაგეგმილია პანკისის ხეობიდან თუშეთის მიმართულებით ახალი საავტომობილო გზის მშენებლობა. გზა პანკისის სოფელ ბირკიანიდან დაიწყება, გაივლის ხადორის ხეობას და სავარაუდოდ, წოვათაში, შავწყალას ტერიტორიაზე გავა, რის შემდეგაც სოფელ ვერხოვანთან გომეწრის ხეობას შეუერთდება.

ახმეტის მერი ომბუდსმენის რეკომენდაციაზე: ამ პრობლემის შესახებ ჩვენთვის ცნობილი იყო

ახმეტის მერი ომბუდსმენის რეკომენდაციაზე: ამ პრობლემის შესახებ ჩვენთვის ცნობილი იყო

6 საათის წინ

ახმეტის მუნიციპალიტეტის მერი საბავშვო ბაღებთან დაკავშირებით სახალხო დამცველის რეკომენტაციას ეხმაურება. იოსებ ქარუმაშვილის თქმით, ბაღებში არსებული მდგომარეობა მისთვის ცნობილია და პრობლემის მოსაგავრებლად მერია აქტიურად მუშაობს. "ამ...

აფხაზეთი
ბათუმი
ოზურგეთი
ქუთაისი
თელავი
მცხეთა
ამბროლაური
ზუგდიდი
ფოთი
ახალციხე
რუსთავი
გორი