გურიაში ფაშიზმზე გამარჯვების 73-ე წლისთავი აღნიშნეს

გურიაში ფაშიზმზე გამარჯვების 73-ე წლისთავი აღნიშნეს

გურიაში ფაშიზმზე გამარჯვების 73-ე წლისთავთან დაკავშირებით, მეორე მსოფლიო ომში დაღუპულ გმირთა მემორიალი მხარისა და ადგილობრივი ხელისუფლების წარმომადგენლებმა გვირგვინებით შეამკეს და ვეტერანებს დღევანდელი დღე მიულოცეს.

„ძვირფასო ვეტერანებო, თითოეული თქვენგანის თავდადება, თავგანწირვა და შემართება სამაგალითოა. საკუთარი სიცოცხლის ფასად მოგვიტანეთ გამარჯვება, მადლობას გიხდით თავდადებისთვის. თქვენ ხართ მაგალითი, როგორ უნდა ვიბრძოლოთ ჩვენი ქვეყნისთვის, ხართ გმირები და ვამაყობთ თქვენით. ჩვენი ვალია, ქედი მოვიხაროთ ყველა იმ ადამიანის წინაშე, ვინც ამ გამარჯვებაში წვლილი შეიტანა და სამშობლოსთვის სიცოცხლე გაწირა. მინდა განსაკუთრებულად მოგეფეროთ, მოგილოცოთ ფაშიზმზე გამარჯვება. გისურვებთ ჯანმრთელობას და დიდხანს სიცოცხლეს. კიდევ მრავალჯერ გვეზეიმოს ეს დღე“- გურიის გუბერნატორი მერაბ ჭანუყვაძე.

საქართველოს მთავრობის გადაწყვეტილებით, მეორე მსოფლიო ომის მონაწილეები 600 ლარით, ხოლო მარჩენალდაკარგულთა ოჯახები 300 ლარით დასაჩუქრდნენ.

წელს ოზურგეთის მუნიციპალიტეტის მერიამ ვეტერანებს საჩუქრად 350-350 ლარი გადასცა. ჩოხატაურისა და ლანჩხუთის მუნიციპალიტეტის მერიამ 300 - 300 ლარი.

გურიაში სულ 23 ვეტერანი ცხოვრობს. ფაშიზმზე გამარჯვების 73-ე წლისთავის აღსანიშნავად მათთვის სხვადასხვა სახის ღონისძიებები გაიმართა.
 

რა ელოდება 19 აგვისტოს ბახმაროს სტუმრებს - ის, რაც არ უნდა გამოტოვოთ

რა ელოდება 19 აგვისტოს ბახმაროს სტუმრებს - ის, რაც არ უნდა გამოტოვოთ

13 აგვისტო, 2018

წყაროს წყალი “ბახმაროსა” და “ნაბეღლავის” მწარმოებელი კომპანიის სს “წყალი მარგებლის“ ორგანიზებით 19 აგვისტოს, კურორტ ბახმაროში „ბახმაროს თასი 2018“ - ტრადიციული დოღი გაიმართება, რომელშიც მონაწილეობას საქართველოს სხვადასხვა...

აფხაზეთი
ბათუმი
ოზურგეთი
ქუთაისი
თელავი
მცხეთა
ამბროლაური
ზუგდიდი
ფოთი
ახალციხე
რუსთავი
გორი