"ზაფხული იწყება აქ" - ბათუმში ტურისტული სეზონი გაიხსნა (ფოტოები)

"ზაფხული იწყება აქ" - ბათუმში ტურისტული სეზონი გაიხსნა (ფოტოები)

საზაფხულო ფესტივალს ზღვისპირა ქალაქი გემოვნებიანი მუსიკით, ფერადი ფოერვერკებითა და ცეცხლოვანი შოუებით ხვდება.

დილის 12 საათიდან, ანბანის კოშკთან ზღვის სანაპიროზე მისული სტუმრების განწყობაზე ქართველი/უცხოელი დიჯეები და ბენდები ზრუნავენ. საღამოს პროგრამას კი გახსნის გერმანული ქალთა დასი „Friedrichstadt Ballett”, რომლებიც სტუმრებს ბრაზილიური და ლათინო-ამერიკული ცეკვების ცეცხლოვან შოუს შესთავაზებენ.

მუსიკალური პროგრამა:

12:00-15:00 DJ Chiki
15:00-17:00 DJ Vako T
17:00-19:00 DJ Lasha Guruli
19:00-20:00 ბენდი Groove Phoenix
20:00-21:00 ბენდი Bedford Falls
21:00-22:30 საკარნავალო, ლათინო-ამერიკული და ბრაზილიური ცეკვების ცეცხლოვანი შოუ. გერმანული დასი „Friedrichstadt Ballett”.
22:30-01:30 The Drifter ( Moeve), გერმანია
01:30-03:30 DJ Gabunia

დღის განმავლობაში ფესტივალზე გაიმართება 20-მდე სხვადასხვა სახის ღონისძიება. მათ შორის ფრანების შოუ, ცეცხლოვანი შოუ, დღისა და ღამის ფოიერვერკი, პლაჟის ფრენბურთი, შეჯიბრება ჭადრაკში, ბირპონგი და 10-მდე მხიარული შეჯიბრება ბავშვებისთვის. მათში მონაწილეობა და დასწრება უფასო იქნება.

გართობისა და ზღვაზე დასვენების მსურველებს საშუალება ექნებათ იქვე სანაპიროზე განთავსებულ 20-მდე ღია კაფე-ბარში სპეციალურ ფასად შეიძინონ სასმელები, ნაყინი, ხილი და შეუკვეთონ კერძები. ფესტივალის სტუმრებს სპეციალურ ფასებს შესთავაზებს საზღვაო ტრანსპორტიც. 3 ივნისს, იახტით გასეირნება ზრდასრულებისთვის 5 ლარი, 15 წლამდე ბავშვებისთვის კი უფასო იქნება. ფესტივალს 03:30-ზე დიჯეი Gabunia დაასრულებს. ზაფხულის ფესტივალს ბათუმში აჭარის ტურიზმის ტურისტული პროდუქტების განვითარების სააგენტო მართავს.

ბათუმში დაცვის თანამშრონელს თავი ქვის სროლით გაუტეხეს

ბათუმში დაცვის თანამშრონელს თავი ქვის სროლით გაუტეხეს

21 ივნისი, 2018

შემთხვევა "ბათუმი პლაზას" მიმდებარე ტერიტორიაზე ერთ-ერთ კერძო სასტუმროსთან მოხდა. თვითმხილველების ინფორმაციით დაცვის თანამშრომელს ბოშა ბავშვები დაესხნენ თავს და ერთ-ერთმა ქვა ესროლა. მათივე განმარტებით, ინციდენტს წინ...

აფხაზეთი
პოპულარული სტატიები
ბათუმი
ოზურგეთი
ქუთაისი
თელავი
მცხეთა
ამბროლაური
ზუგდიდი
ფოთი
ახალციხე
რუსთავი
გორი