ბათუმში თოდოგაურის დასახლებაში 70 ოჯახს მალე წყალი უწყვეტ რეჟიმში მიეწოდება

ბათუმში თოდოგაურის დასახლებაში 70 ოჯახს მალე წყალი უწყვეტ რეჟიმში მიეწოდება

ბათუმში, თოდოგაურის დასახლებაში ახალი წყალმომარგების სისტემის მოწყობის სამუშაოები მიმდინარეობს. პროექტის ფარგლებში დაგეგმილია წყალსადენის ქსელის სატუმბი სადგურის, რეზერვუარის და 150კბმ-იანი ავზის მშენებლობა. 

პროექტით გათვალისწინებული სატუმბი სადგურის, რეზერვუარის და ავზის მშენებლობა უკვე დასრულდა. ამ ეტაპისთვის მიმდინარეობს შიდა ქსელის მოწყობა. ახალ წყალმომარაგების ქსელზე 70 ოჯახი დაერთდება. მოსახლეობისთვის უსასყიდლოდ მოხდება წყლის მრიცხველების მონტაჟი. 

ბათუმის მერი ლაშა კომახიძე მიმდინარე სამუშაოებს ადგილზე გაეცნო და განაცხადა - „ჩვენ თოდოგაურის დასახლებაში ერთ-ერთ მნიშვნელოვან პროექტს ვახორციელებთ, კერძოდ, წყლის სისტემის მოწყობის სამუშაოებს. პროექტი მნიშვნელოვანია იმითაც, რომ აქ ათწლეულების განმავლობაში არსებული წყალმომარაგების პრობლემა მოგვარდება და 70 ოჯახს წყალი უწყვეტ რეჟიმში, 24 საათის განმავლობაში მიეწოდება. სამუშაოები მარტში დაიწყო და წესით ნოემბერში უნდა დასრულებულიყო, მაგრამ პროექტი წინსწრებით მიმდინარეობს და უახლოეს პერიოდში დასრულდება”.

მიმდინარე სამუშაოებსთვის ქალაქის ბიუჯეტიდან 433 ათას 721 ლარი გამოიყო. ლაშა კომახიძესთან ერთად სამუშაოები ბათუმის საკრებულოს თავმჯდომარემ სულიკო თებიძემ, საკრებულოს დეპუტატმა ანზორ დევაძემ და საქალაქო ინფრასტრუქტურისა და კეთილმოწყობის სამმართველოს ხელმძღვანელმა სულხან ევგენიძემ დაათვალიერეს.

თემები:
ბათუმში დაცვის თანამშრონელს თავი ქვის სროლით გაუტეხეს

ბათუმში დაცვის თანამშრონელს თავი ქვის სროლით გაუტეხეს

21 ივნისი, 2018

შემთხვევა "ბათუმი პლაზას" მიმდებარე ტერიტორიაზე ერთ-ერთ კერძო სასტუმროსთან მოხდა. თვითმხილველების ინფორმაციით დაცვის თანამშრომელს ბოშა ბავშვები დაესხნენ თავს და ერთ-ერთმა ქვა ესროლა. მათივე განმარტებით, ინციდენტს წინ...

აფხაზეთი
პოპულარული სტატიები
ბათუმი
ოზურგეთი
ქუთაისი
თელავი
მცხეთა
ამბროლაური
ზუგდიდი
ფოთი
ახალციხე
რუსთავი
გორი