- Advertisement -

ადიდებულმა მდინარე ჩხერიმელამ ძირულა-ხარაგაულის დამაკავშირებელი ცენტრალური გზა დააზიანა

ადიდებულმა მდინარე ჩხერიმელამ ძირულა-ხარაგაულის დამაკავშირებელი ცენტრალური გზა დააზიანა. ამჟამად, სატრანსპორტო მოძრაობა შეწყვეტილია,- ამის შესახებ ინფორმაციას ხარაგაულის მუნიციპალიტეტის გამგეობა ავრცელებს. 

მგზავრებს გადაადგილება ხარაგაული-კიცხის მიმართულებით შეუძლიათ. დაზიანებული მონაკვეთი ხარაგაულის მუნიციპალიტეტის გამგებლის მოადგილემ თემურ ჩხეიძემ დაათვალიერა.

გასული ორი დღის განმავლობაში ხანგრძლივი წვიმის შედეგად, ასევე, მუნიციპალიტეტის რამდენიმე სოფლის გზაც დაზიანდა.

თემურ ჩხეიძის ინფორმაციით, პრობლემის აღმოსაფხვრელად მობილიზებულია შესაბამისი ტექნიკა და გამგეობის სპეციალური სამსახურები საგანგებო რეჟიმში მუშაობენ.

Comments
Loading...