- Advertisement -

ამბროლაურის შემოსასვლელთან კლდოვანი მასა ჩამოიშალა

ქუთაისი(მოწამეთა)-ტყიბული-ამბროლაურის ს/გზის 71-ე კმ-ზე მოძრაობა აკრძალულია. უხვი ნალექის შედეგად გააქტიურებულმა მეწყრულმა პროცესებმა, ქ.ამბროლაურის შემოსასვლელთან, დიდი მოცულობის კლდოვანი მასის ჩამოშლა გამოიწვია. სტიქიის ადგილზე დილიდან იმყოფებოდნენ რეგიონული და ადგილობრივი ხელისუფლების წარმომადგენლები.

მეწყერი საჭიროებს აფეთქებითი სამუშაოების ჩატარებას. მობილიზებულია მძიმე ტექნიკა და მოძიებულია ლიცენზირებული კომპანია, რომელიც აღნიშნულ ადგილზე აფეთქებით სამუშაოებს შეასრულებს. ავტოტრანსპორტის მოძრაობა შესაძლებელია შემოვლითი გზებით: ახალსოფელი–ამბოლაურისა და ახალსოფელი–იწა–ამბროლაურის მიმართულებით, სადაც მოძრაობა თავისუფალია. ამის შესახებ ინფორმაციას ამბროლაურის მუნიციპალიტეტი ავრცელებს. 

Comments
Loading...