- Advertisement -

ანაკლიაში სამეგრელო-ზემო სვანეთის ტურიზმის განვითარების სიმპოზიუმი გაიხსნა

ანაკლიაში სამეგრელო-ზემო სვანეთის ტურიზმის განვითარების სიმპოზიუმი გაიხსნა. როგორც USAID Zrda-ს ხელმძღვანელმა ბრაიან კინგმა განაცხადა, სიმპოზიუმის მიზანია განსაზღვროს რეგიონში ტურიზმის განვითარებასთან დაკავშირებული პრობლემები და გამოწვევები.

ასევე დაადგინოს პრიორიტეტები, რაც ხელს შეუწყობს რეგიონის პოპულარიზაციას და მის უკეთ წარმოჩენას, როგორც ერთერთი საუკეთესო ტურისტულ რეგიონს.

მისივე თქმით, USAID Zrda ხელს შეუწყობს სათავგადასავლო ტურიზმის განვითარებას რეგიონში, პროქტის დახმარებით 60 გიდი და ინსტრუქტორი გადამზადდება კანინონგის, ჯომარდობის, საფეხმავლო გამყოლებისა და დაივინიგის დისციპლინებში.

გახსნის ცერემონიას USAID Zrda-ს ხელმძღვანელი ბრაიან კინგი, სამეგრელო-ზემო სვანეთის გუბერნატორი ალექსანდრე მოწერელია, გუბერნატორის მოადგილე ნინო ვიბლიანი, USAID საქართველოს წარმომადგენელი დავით წიკლაური და ტურიზმის ეროვნული ადმინისტრაციის ხელმძღვანლის მოადგილის მოვალეობის შემსრულებელი თორნიკე ზაქარეიშვილი, ასევე სამეგრელო-ზემო სვანეთის მუნიციპალიტეტების ადგილობრივი ხელისუფლების წარმომადგენლები ესწრებოდნენ.

Comments
Loading...