ანი წითლიძე: გრიგოლ ვაშაძის პლაკატები ხელისუფლების ორგანიზებითა და წახალისებით დააზიანეს

“ნაციონალური მოძრაობის” ზუგდიდის ოფისის ხელმძღვანლის ანი წითლიძის განცხადებით, “გაერთიანებული ოპოზიციის” საპრეზიდენტო პლაკატები გუშინ გვიან ღამით მთელ საქართველოში ხელისუფლების ორგანიზებითა და წახალისებით დააზიანეს.

მისივე თქმით, პლაკატების ნაწილი ჩამოგლეჯილია, ნაწილს კი საღებავებით აქვს მიწერილი КГБ.

წითლიძე მომხდარში ხელისუფლებას ადანაშაულებს და შესაბამის ორგანოებს დროული რეაგირებისკენ მოუწოდებს.