- Advertisement -

“არა ქალთა მიმართ ძალადობას!” – ოზურგეთში ძალადობის წინააღმდე აქცია გაიმართა

"არა ქალთა მიმართ ძალადობას!" – აქცია ოზურგეთში ძალადობის წინააღმდეგ ბრძოლის 16 დღიანი კამპანიის ფარგლებში ოზურგეთის გენდერის მედიაცენტრის ორგანიზებით გაიმართა.

აქციის ფარგლებში მომზადდა პლაკატები შემდეგი სლოგანებით “შენ გაქვს უფლებები“, “ნუ დავხუჭავთ თვალებს“, “კმარა ძალადობა“, “ნუ გეშინია“, “იმოქმედე“,“ყველა ადამიანი ერთმანეტის თანასწორია“, “ნუ მოკლავთ, სიტყვით აუხსენი, “ჩვენ შენს გვედრით ვართ“, “დარეკეთ 1481“,“შეჩერდი“ და მოეწყო მსვლელობა.

აქციის პარალელურად, ოზურგეთში ლიტერატურულ კაფეში რვას+1 ახალგაზრდა პედაგოგთა კავშირთან არსებული ლიდერთა სკოლის მოსწავლებისთვის გაიმართა დისკუსიაც, სადაც პასუხები გაეცა ისეთ კითხვებს, როგორიცაა: რა არის ქალთა მიმართ ძალადობა?; რა იწვევს ქალთა მიმართ ძალადობას? რა შედეგები მოყვება ქალთა ძალადობას? რა უნდა გავაკეთოთ საზოგადოებამ ქალთა ძალადობის შესაწყვეტად? რა არის ჩვენი სამოქალაქო პასუხისმგებლობა ამ საკითხთან დაკავშირებით?

ღონისძიება გაიმართა აშშ საერთაშორისო განვითარების სააგენტოს (USAID) და საარჩევნო სისტემების საერთაშორისო ფონდის (IFES) მხარდაჭერით და მისი მიზანი იყო ქალთა მიმართ ძალადობის საკითხებზე საზოგადოების ცნობიერების ამაღლება და სამოქალაქო კონსოლიდაციის გაძლიერება

Comments
Loading...