- Advertisement -

აჭარაში თავისუფალი პროექტების მხარდაჭერის საგრანტო კონკურსი გამოცხადდა

აჭარის განათლების, კულტურისა და სპორტის სამინისტრო ყოველწლიურად აცხადებს თავისუფალი პროექტების მხარდაჭერის კონკურსს, რომლის მიზანია ხელოვნებისა და კულტურის სფეროში ინოვაციური და კრეატიული პროექტების განხორციელების ხელშეწყობა, ხელოვნების ახალი მიმართულებების განვითარების, შემოქმედთა ახალი თაობისა და ახალი იდეების მხარდაჭერა, რეგიონში შემოქმედებითი ინდუსტრიების განვითარების ხელშეწყობა, ხელოვნებისა და კულტურის სფეროს მიმართ საზოგადოების ინტერესის გაზრდა. წელს პროგრამაში სიახლეა თანხები გაიცემა საგრანტო წესით.

კონკურსში მონაწილეობის მისაღებად სამინისტროში საბუთების მიღება იწარმოებს 2018 წლის 1 აპრილიდან – 1 მაისის ჩათვლით (09 საათიდან – 18:00 საათამდე).

კონკურსის შესახებ დეტალური ინფორმაცია საზოგადოებას აჭარის განათლების, კულტურისა და სპორტის მინისტრის მოადგილემ თეონა ბერიძემ წარუდგინა.

Comments
Loading...