ახალი წლის ყველაზე თბილი მილოცვა ბათუმიდან

ბათუმში წელს განსხვავებული საახალწლო ბანერები გამოჩნდა. ბათუმის მერიის ინიციატივით, ბათუმის ქუჩებში განთავსებულ ბილბორდებზე ის ადამიანები არიან წარმოდგენილები, რომლებიც უწყვეტ რეჟიმში ემსახურებიან ქალაქს. ბათუმის წყლის, სანდასუფთავების, გამწვანებისა და ბათუმის ავტოტრანსპორტის თანამშრომლების თავდაუზოგავი შრომა ქმნის და ალამაზებს ქალაქის ყოველდღიურობას. ამ ადამიანების შრომა დასაფასებელია და ბათუმელები უნდა იცნობდნენ მათ. ამის შესახებ ინფორმაციას ბათუმის წყალი ავრცელებს.