- Advertisement -

ახალციხის მუნიციპალიტეტში ფაშიზმზე გამარჯვების დღე აღინიშნა

სამხარეო ადმინისტრაციისა და ახალციხის მუნიციპალიტეტის მერიის ხელმძღვანელებმა, ასევე მეორე მსოფლიო ომის ვეტერანებმა და საზოგადოების წარმომადგენლებმა, ყვავილებითა და გვირგვინებით შეამკეს ახალციხეში მეორე მსოფლიო ომში გამარჯვების მემორიალი.

ომის ვეტერანებს ფაშიზმზე გამარჯვების დღე მიულოცეს მხარის გუბერნატორმა კახა სამხარაძემ, მუნიციპალიტეტის მერმა ზაზა მელიქიძემ, საკრებულოს თავმჯდომარემ გელა ნოზაძემ და ვეტერანების საქმეთა სახელმწიფო სამსახურის სამცხე-ჯავახეთის სამმართველოს უფროსმა დავით ფეიქრიშვილმა. მათ პატივსაცემად გაიმართა კონცერტი ახალციხის ფოლკლორული კოლექტივების მონაწილეობით.

აგრეთვე, ფაშიზმზე გამარჯვების 73 წლისთავი აღინიშნა მუნიციპალიტეტის ადმინისტრაციულ ერთეულებშიც.
ამჟამად, ახალციხის მუნიციპალიტეტში მეორე მსოფლიო ომში მონაწილე 10 ვეტერანი ცხოვრობს, რომლებმაც მისალოცი ბარათები და ერთჯერადი ფულადი საჩუქარი მიიღეს საქართველოს პრემიერ მინისტრის გიორგი კვირიკაშვილისგან. მათ თავიანთ საპენსიო ანგარიშებზე ჩაერიცხებათ მთავრობის დახმარება 600 ლარის ოდენობით. ხოლო მარჩენალდაკარგულთა ოჯახებს 300 ლარის ოდენობით.

ასევე, მუნიციპალიტეტისგან მათ 400 ლარი და ფასიანი საჩუქრები გადაეცათ.

Comments
Loading...