- Advertisement -

ახმეტაში, სოფელ კასრისწყალის მოსახლეობა მაღალმთიანი სოფლის სტატუსის მინიჭებას ითხოვს

ახმეტის მუნიციპალიტეტის სოფელ კასრისწყალის მოსახლეობა სოფლის ცენტრში შეიკრიბა. მათი თქმით, სოფელს არ აქვს გზა, სასმელი წყალი,მაღაზია, ამბულატორია,აფთიაქი, ასევე მოსახლეობა ვერ სარგებლობს ინტერნეტით. 

ადგილობრივები აცხადებენ, რომ ზემოთ აღნიშნული ფაქტორების გათვალისწინებით, სოფლიდან მოსახლეობის მიგრაცია შეუქცევადი გახდა და გასულ წელთან შედარებით, სოფელის მოსახლეობა კიდევ უფრო შემცირდა. კასრისწყალში ამბობენ, რომ სოფელში არსებული პრობლემების შესახებ მაჟორიტარ დეპუტატთანაც ისაუბრეს და დაპირებაც მიიღეს,მაგრამ ამ დრომდე არაფერი შეცვლილა. კასრისწყალის მოსახლეობა ხელისუფლებისგან დახმარებას ითხოვს, კერძოდ კი ადგილობრივების მთავარი მოთხოვნაა, კასრისწყალს, როგორც საზღვრისპირა და რაიონის ცენტრიდან შორს მდებარე სოფელს, გამონაკლისის სახით მიენიჭოს მაღალმთიანი სოფლის სტატუსი და ამ სტატუსით განსაზღვრული შეღავათებით სარგებლობის უფლება.

Comments
Loading...