- Advertisement -

“ბადაგონის” დირექტორი: ფინანსური პოლიცია ვანდალურად შემოიჭრა და სამუშაო პროცესის პარალიზება მოახდინა

ამ წუთებში სოფელ ზემო ხოდაშენში მდებარე ბადაგონის ღვინის ქარხანაში ბრიფინგი მიმდინარეობს. ბადაგონის გენერალურმა დირექტორმა გიორგი სალაყაიამ ჟურნალისტებთან კომპანიაში ფინანსური პოლიციის შესვლის დეტალებზე ისაუბრა და კონკრეტული პირები დაასახელა, რომელბიც დაინტერესებულნი არიან კომპანიის საქმიანობით.

"ფინანსურმა პოლიციამ მოახდინა ვანდალურად შემიჭრა და პარალიზება მთელი სამუშაო პროცესის. დღეს პროცესი გაჩერებულია მთლიანად, ეს გააკეთა ფინანსური პოლიციის არა მხოლოდ პატარა ჯგუფმა, რომელიც გუშინ იქ შემოვარდა და საოცრებები ჩაატარეს იმ კომპანიის წინააღმდეგ, რომელიც არის უპირობო ლიდერი, არამედ მათ უკან დგას უფრო გავლენიანი პირების ინტერესები, მათ შორის ყოფილი პარლამენტარის, დავით ბეჟუაშვილის, რომელმაც იარაღად გამოიყენა ვლადიმერ ჯანჯღავა. უახლოეს სამ დღეში მოხდება ჩვენი პარტნიორი კომპანიების მობილიზება, რომლებიც ჩამოვლენ მხარდასაჭერად და საერთაშორისო საზოგადოება შეიტყობს რა პირობებშია დღეს ქართული ბიზნესი", – განაცხადა გიორგი სალაყაიამ.

Comments
Loading...