- Advertisement -

ბათუმის საკრებულოს სხდომაზე ხელფასების ზრდის საკითხს სიტყვიერი დაპირისპირება მოჰყვა

სიტყვიერი დაპირისპირება მოჰყვა ხელფასების ზრდის საკითხს ბათუმის საკრებულოს სხდომაზე. "ნაციონალური მოძრაობის" დეპუტატმა 2013 წლის ბაღის პედაგოგისა და საკრებულოს თავმჯდომარის ხელფასის ოდენობა მიმდინარე სახელფასო განაკვეთს შეადარა. ნოდარ დუმბაძემ თვალსაჩინოებისთვის ბანერიც მოიტანა და ტრიბუნას მიაწება, რომლის მიხედვითაც ბაღის პედაგოგის ხელფასი დღესაც იგივეა, საკრებულოს თავმჯდომარის ანაზღაურება კი 2750 ლარიდან 4500 ლარამდე გაიზარდა.

ბანერის ჩამოხსნა საკრებულოს აპარატის უფროსმა რაულ ბოლქვაძემ სცადა, რასაც "ნაციონალური მოძრაობის" დეპუტატის ლევან ანთაძე შეეწინააღმდეგა. საკრებულოში დღის წესრიგის დაცვა თავმჯდომარემ მოითხოვა, რის შემდეგაც დაპირისპირება შეწყდა ბანერი კი ადგილზე დატოვეს.

Comments
Loading...