- Advertisement -

ბათუმში, მძღოლების საპროტესტო აქციამ მერიის შენობიდან აჭარის მთავრობასთან გადაინაცვლა

ბათუმში მძღოლების საპროტესტო აქციამ მერიის შენობიდან აჭარის მთავრობასთან გადაინაცვლა. როგორც გაფიცულები აცხადებენ, ვიცე მერთან შეხვედრა უშედეგოდ დასრულდა, რის გამოც მათ მოთხოვნებზე პასუხს ამჯერად აჭარის მთავრობისგან ელოდებიან.

ბათუმის მერიაში გაფიცულ მიკროავტობუსის მძღოლებს განუმარტეს, რომ ავტომანქანების ტექნიკურად გამართვა აუცილებელია, რაოდენობის დარეგულირების საკითხი კი უკვე გადაწყვეტილი. დღის განმავლობაში ქალქს 450 სამარშუტო ტაქსის ნაცვლად 250 მიკროავტობუსი ოემსახურება.

აჭარის მთავრობაში კი განმარტავენ, რომ მთავრობის თავმჯდომარე ქალქის მერთან ერთად მივლინებით აზერბაიჯანში იმყოფება. პრესსამსახურის განმარტებით მერია საკუთარ პოზიციას მივლინებიდან დაბრუნების შემდეგ ორშაბათს, მძღოლებთან შეხვედრის დროს გააჟღერებს.

Comments
Loading...