- Advertisement -

ბათუმში, სპორტული მოედნების მშენებლობა-რეაბილიტაცია დაიწყო

ბათუმში, სპორტული მოედნების მშენებლობა-რეაბილიტაცია დაიწყო. ამჯერად, ინფრასტრუქტურული სამუშაოები მწვანე კონცხის ადმინისტრაციულ ერთეულში მიმდინარეობს.

სპორტული ინფრასტრუქტურის განვითარების კუთხით, თამარ მეფის გამზირის მესამე შესახვევში ახალი სპორტული მოედანი ეწყობა.

პარალელურად, დაგეგმილია კიდევ ერთი სპორტული მოედნის რეკონსტრუქცია.
,,ჩვენთვის პრიორიტეტულია, სპორტული ინფრასტრუქტურის განვითრება. მაქსიმალურად ვცდილობთ ხელი შევუწყოთ მოზარდებში ჯანსაღი ცხოვრების წესის დამკვიდრებასა და სპორტის პოპულარიზაციას. ასევე, მოსახლეობის საჭიროებისა და შემოსული განცხადებების გათვალისწინებით, აღნიშნულ ადმინისტრაციულ ერთეულში ვახორციელებთ საგზაო ინფრასტრუქტურის, სანიაღვრე სისტემებისა და ახალი სკვერების მშენებლობას” – არჩილ ჩიქოვანი.
როგორც ბათუმის მერიაში განმარტავენ, ქალაქის მასშტაბით, წელს სპორტული მოედნების მშენებლობა-რეაბილიტაცია 21 მისამართზე განხორციელდება.

Comments
Loading...