- Advertisement -

ბათუმში, შოთა რუსთაველის სახელმწიფო უნივერსიტეტში გერონტოლოგიისა და გერიატრიის საერთაშორისო სკოლა გაიხსნა

2018 წლის 22 ოქტომბერს, აჭარის განათლების, კულტურისა და სპორტის მინისტრმა ინგა შამილიშვილმა, ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და ჯანდაცვის მინისტრმა ზაალ მიქელაძემ ბათუმის შოთა რუსთაველის სახელმწიფო უნივერსიტეტში გერონტოლოგიისა და გერიატრიის საერთაშორისო სკოლა გახსნეს.

საერთაშორისო სკოლის მიზანია გერონტოლოგიისა და გერეატრიის საერთაშორისო და მათ შორის საქართველოში არსებული მდგომარეობის შესახებ უახლესი ფუნდამენტური და კლინიკური მონაცემების გაცნობა და გაანალიზება, პრევენციის დიაგნოსტიკისა და მკურნალობის ძირითადი პრინციპების მულტიდისციპლინური ხედვა, როგორც ბიოლოგიურ, ასევე სამედიცინო წრეებში.

სეზონური სკოლა ხუთი დღის განმავლობაში გრძელდება და მასში მონაწილეობას ღებულობენ, როგორც ადგილობრივი, ასევე უცხოეთის საგანმანათლებლო დაწესებულებების ლექტორ მასწავლებლები. მათ შორის, ევროპის გერონტოლოგიისა და მალტის დაბერების საერთაშორისო სკოლების წარმომადგენლები. სეზონური სკოლის ფარგლებში დაგეგმილია ექსპედიცია აჭარის მაღალმთიან რაიონებში დღეგრძელებთან უშუალო კომუნიკაციის ფორმატით. გერონტოლოგიისა და გერიატრიის საერთაშორისო სკოლა ხელს შეუწყობს, მკვლევართა და ახალგაზრდა მეცნიერთა დაინტერესებას აჭარის დღეგრძელთა დემოგრაფიული და გენეტიკური სტრუქტურის გერონტოლოგიური და გერეატრიული კვლევების მიმართულებით, ასევე, აჭარაში დაბერების პოლიტიკის თანამედროვე ხედვის გააზრებასა და იმპლემენტაციას.

სეზონური სკოლა დაფინანსებულია აჭარის განათლების, კულტურისა და სპორტის სამინისტროს უმაღლესი განათლების ხელშეწყობის ქვეპროგრამის ფარგლებში.

Comments
Loading...