- Advertisement -

ბათუმში ხელბურთელ გოგონათა გუნდთან შეხვედრა გაიმართა

აჭარის განათლების, კულტურისა და სპორტის სამინისტროში, აჭარის ხელბურთელ გოგონათა გუნდს, მინისტრის მოადგილეები ბადრი ნაკაშიძე, ირაკლი თავბერიძე, სპორტისა და ახალგაზრდობის საქმეთა დეპარტამენტის უფროსის მოადგილეები მინდია ქათამაძე, დავით მიქელაძე და დეპარტამენტის სხვა თანამშრომლები შეხვდნენ და გამარჯვება მიულოცეს.

გუნდმა საქართველოს ჩემპიონატის ბოლო ტურში ვერცხლის პრიზიორი 14-ით 13 დაამარცხა.სპორტსმენებმა, ძლიერი კონკურენციის მიუხედავად თორმეტივე შეჯიბრში უმაღლესი ქულა აიღო.

პირველი ოფიციალური შეჯიბრი – ივლისში, შვედეთში გაიმართება, სადაც გოგონები ევროპის ღია ჩემპიონატში მიიღებენ მონაწილეობას. სამინისტრო გუნდსა და მწვრთნელებს ფულად ჯილდოს გადასცემს და სამომავლოდ უფრო დიდ წარმატებებს უსურვებს.

Comments
Loading...