- Advertisement -

ბათუმში 3000-მდე აბონენტს სასმელი წყალი არ მიეწოდება

უხვი ნალექის გამო სასმელი წყალი არ მიეწოდება ბთუმში 3000-მდე აბონენტს. შპს "ბათუმის წყალში განმარტავენ, რომ ადიდებულია მდინარე და ამ დროისთვის სარეაბილიტაციო სამუშაოები ვერ ხორციელდება ქალაქის წყლის რეზერვუართან.

სტიქიამ პრობლემები შეუქმნა მოსახლეობასაც. დაიტბორა 13-მდე საცხოვრებელი სახლის ეზო ბათუმში.

"უხვი ნალექისა და შტორმის გამო ფაქტიურად სრულიად შეიზღუდა სანიაღვრო არხების მუშაობა. გორგილაძისა და გრიბოედოვის ქუჩაზე ასევე ბაგრატიონისა და დემეტრე თვდადებულის ქუჩები დაიტბორა. ცხელ ხაზზე შემოსულია 13-მდე გამოძახება მოსახლეობის მრიდან, სადაც კონკრეტულად ეზოებია დატბორილი. მყისიერად მოხდა რეაგირება 8 ერთეული ტექნიკა მუშაობს ამოტუმბვით სამუშაოებზე, ასევე 6 მობილური ჯგუფი მუშაობს და სწავლობს ქალაქში ვითარებას. მოსახლეობას საყოფაცხოვრებო ნივთები არ დასზიანებია" – განუცხადა აიპრესს შპს "ბათუმის წყალი"-ს დირექტორის მოადგილემ რამაზ ასანიძემ.

სინოპტიკოსების განცხადებით ბათუმში საშტორმო მდგომარეობაა. შავი ზღვის სანაპიროზე 6 ბალამდე შტორმი ფიქსირდება. უამინდობა ზღვისპირა ქალაქში 2 დღე გაგრძელდება.

Comments
Loading...