- Advertisement -

ბატონის ციხის მეფის სასახლის ძველი ვიტრაჟები ღია ცის ქვეშ ყრია (ფოტორეპორტაჟი)

თელავში, ბატონის ციხის მიმდებარე ტერიტორიაზე მეფის სასახლის ძველი ვიტრაჟების ნაწილი ღია ცისქვეშ ყრია. ამის შესახებ ინფორმაცია ,,აიპრესს,, ისტორიული მუზეუმის დირექტორმა, გურამ ურჩუხიშვილმა დაუდასტურა.

მისი თქმით, საუბარია რამდენიმე ვიტრაჟზე, რომელიც დაზიანებული და ფაქტობრივად, გამოუსადეგარია. ურჩუხიშვილი აცხადებს, რომ შედარებით უკეთეს მდგომარეობაში არსებული ხე- მასალა სარდაფში სპეციალურად მოწყობულ ადგილზე ინახება.

"ეს ვიტრაჟები, რაც ეზოშია მოთავსებული უკვე გამოუსადეგარია გამოსაყენებლად. შედარებუთ უკეთეს მდგომარეობაში მყოფი მასალა კი სპეციალურ სათავსოშია გადატანილი, იქ ინახება და არანაირი დაზიანების საფრთხე არ ემუქრება.“- განაცხადა გურამ ურჩუხიშვილმა.

ბატონის ციხის რეაბილიტაციისთვის საერთო ჯამში 7 მილიონ ლარამდე დაიხარჯა. ერეკლე მეფის სასახლის ძველი ვიტრაჟები სრულად შეიცვალა ახალი ვიტრაჟებით.

ფოტოები აღებულია თამარ უგუზაშვილის სოციალური ქსელიდან.

Comments
Loading...