ბაღდათის მუნიციპალიტეტში მცხოვრებ 19 შშმ პირს ეტლები გადაეცათ

ბაღდათის მუნიციპალიტეტის მერიის სოციალური და ჯანმრთელობის დაცვის სამსახურის მხარდაჭერით, საერთაშორისო ასოციაციამ “საქართველოს ქალები მშვიდობისა და სიცოცხლისათვის“, ბაღდათის მუნიციპალიტეტში მცხოვრებ 19 შშმ პირს ეტლები გადასცა.

არასამთავრობო ორგანიზაცია, რომელსაც არსებობის ოცდაექვსწლიანი ისტორია აქვს, სხვადასხვა მიმართულებით მუშაობს და ბაღდათის მუნიციპალიტეტში შშმ პირებს გასულ წლებში რამდენჯერმე დაეხმარა. აღნიშნული ასოციაცია მუნიციპალიტეტთან თანამშრომლობას მომავალშიც აპირებს და შეზღუდული შესაძლებლობის მქონე პირებისთვის საჭირო პროექტების განხორციელებას გეგმავს.