- Advertisement -

გადაუღებელი წვიმების გამო, თუშეთში გზის სავალი ნაწილი ჩაიკეტა

ავტომობილებით გადაადგილება ცოტა ხნის წინ აიკრძალა. მოძრაობას პოლიცია აწესრიგებს, მგზავრებს ომალოს მიმართულებით არ უშვებენ.
ბოლო ინფორმაციით, მეწყერის შედეგად დაგუბებული ტბა ადიდდა და გზის სავალი ნაწილი ჩაკეტა. გზის მეორე მხარეს გადადგილებას ვერ ახერხებს ახმეტის მერის წარმომადგენელი თუშეთში, ლადო კახოიძე და სამაშველო სამსახური.

"შემთხვევის ადგილზე მობილიზებულია ტექნიკა. წვიმს და სამუშაოები მას შემდეგ დაიწყება, რაც ამინდი გაუმჯობესდება. წვიმის შედეგად ტბაზე წყლის დონემ მოიმატა, რის გამოც გზის ამ მონაკვეთზე გადაადგილება აიკრძალა. მოსახლეობას თხოვნით მივმართავ, რომ თავი შეიკავონ თუშეთში გადაადგილებისკენ მანამ სანამ არ გამოიდარებს. " – განაცხადა ახმეტის მერმა იოსებ ქარუმაშვილმა.

Comments
Loading...