- Advertisement -

გამოძიების პარალელურად სასტუმრო “ლეოგრანდი” ახალი სეზონისთვის ემზადება

სასტუმრო ახალი სეზონისთვის სახელწოდებას შეიცვლის და "ბელმონდის" სახელით გააგრძელებს ფუნქციონირებას, ეს გადაწყვეტილება სასტუმროს მენეჯმენტმა ხანძრის დროს გადარცვლილების ოჯახის წევრებთან შეხვედრის დროს მიიღო. ამ წუთებში, თანამშრომლები სასტუმროს ასუფთავებენ. 

თითქმის სამი თვეა სასტუმროს შენობაში საგამოძიებო მოქმედებები მიმდინარეობდა და ის დაკეტილი იყო. გამოძიება ამ დრომდე გრძელდება, როგორც სასტუმროს ადვოკატი კახა წერეთელი "აიპრესთან" აცხადებს, გამოძიების მიმდინარეობასთან დაკავშირებით რამე ახალი ინფორმაცია არ აქვთ. მისი ინფორმაციით, პროკურატურა ექსპერტიზის დასკვნებს ელოდება, ამის შემდეგ გახდება ცნობილი რამ გამოიწვია ხანძარი და ვისი ბრალეულობა იკვეთა.

საგამოძიებო მოქმედებების ფარგლებში დაიკითხნენ თანამშრომლები და ის ვიზიტორები ვინც შემთხვევის დროს სასტუმროში იმყოფებოდა. 

გასული წლის 24 ნოემბერს სასტუმრო "ლეოგრანდში" ხანძრის შედეგად 11 ადამიანი გარდაიცვალა, აქედან ერთი უცხოელი იყო. სასტუმროს მენეჯმენტმა დაღუპულის ოჯახებს 50 ათასი დოლარი კომპენსაციის სახით გადასცა. 

Comments
Loading...