- Advertisement -

გარემოვაჭრეების შეხვედრა ზუგდიდის მერთან შეთანხმების გარეშე დასრულდა

დასრულდა გარემოვაჭრეების ზუგდიდის მერთან შეხვედრა, ამჯერადაც შეთანხმების გარეშე. მათი განმარტებით, შეთავაზებული წინადადება არის მიუღებელი. ტანსაცმლით მოვაჭრეებს ალიანსის სავაჭრო ცენტრი შესთავაზეს, თუმცა აქციის მონაწილეების თქმით, მიზერული თანხით და მცირე რაოდენობის საქონლით ვაჭრობას ვერ შეძლებენ, ვერც გადასახადის გადახდას შეძლებენ. ისინი საპროტესტო აქციას განაგრძობენ და ამბობენ, რომ დაშლას არ აპირებენ მანამ, ვიდრე მოთხოვნები არ დაკმაყოფილდება – არ დართავენ მუშაობის უფლებას, ან მათთვის მისაღებ ფართს არ გადასცემენ.

ჟურნალისტებთან კომენტარი გააკეთა შეხვედრის დასრულების შემდეგ ზუგდიდის მერმაც. ლაშა გოგიას თქმით, გარევაჭრობას არ დაუშვებენ და ამისთვის რომც დასჭირდეთ მოლაპარაკება თითოეულ გარემოვაჭრესთან, მოლაპარაკების გზით შეეცდებიან პრობლემის მოგვარებას. მერმა აღნიშნა, რომ მოცემულ საკითხზე მუშაობას განაგრძობენ ისეთი ფართების მოსაძიებლად, რომელიც აქციის მონაწილეებისთვის მისაღები იქნება.

Comments
Loading...