- Advertisement -

გორის მერიამ სოციალური პროგრამის ახალი პროექტი შეიმუშავა

მერიაში შექმნილმა დროებითმა სამუშაო ჯგუფმა პროექტზე მუშაობა  დაასრულა. დოკუმენტი განსახილველად უახლოეს საკრებულოს სხდომას წარედგინება.

„ადგილობრივი ბიუჯეტიდან სოციალური დახმარების გაცემის ახალი წესის პროექტი, ამჟამად ლიკვიდირებული ქალაქ გორისა და გორის მუნიციპალიტეტების სოციალური პროგრამების საუკეთესო კომბინაციაა. დოკუმენტი მორგებულია  ადგილობრივი მოსახლეობის საჭიროებებს.“ – აცხადებს გორის მუნიციპალიტეტის მერიის ჯანდაცვისა და სოციალური უზრუნველყოფის სამსახურის უფროსი დავით ჩიხრაძე.

სამუშაო ჯგუფს ერთი კვირის განმავლობაში გორის მერის მოადგილე ეკატერინე სუხიშვილი ხელმძღვანელობდა. ჯგუფში მუშაობდნენ გორის მერიის სოციალური და ადმინისტარციული სამსახურების თანამშრომლები, გორის მუნიციპალიტეტის საკრებულოს წევრები და მოწვეული სპეციალისტები.

Comments
Loading...