გურჯაანის მუნიციპალიტეტის სოფელ ახაშენში დღემდე უცნობ არქეოლოგიურ ობიექტს მიაკვლიეს

აღნიშნული ნაგებობა კულტურული მემკვიდრეობის დაცვის ეროვნული სააგენტოს წარმომადგენლებმა დაათვალიერეს.

არქეოლოგები ვარაუდობენ, რომ ადგილობრივი მოსახლეობის აღმოჩენა შესაძლოა თიხის დასამუშავებელი კამაროვანი ქურა იყოს, რომლის სიგრძე ორი მეტრი, სიგანე კი მეტრ- ნახევარია. 

თაღოვანი ობიექტი აგურითაა აშენებული და, სავარაუდოდ, შუა საუკუნეებს მიეკუთვნება. მიმდებარე ტერიტორიაზე სპეციალისტებმა კერამიკის არტეფაქტებსაც მიაკლიეს.