- Advertisement -

გურჯაანში, ატმის ბაღებში ფაროსანას გავრცელების არიალის დასადგენად მონიტორინგის სისტემები დამონტაჟდა

კახეთის რეგიონში აზიური ფაროსანას გავრცელების არიალის დასადგენად მონიტორინგის სისტემების დამონტაჟების პროცესი დღეს გურჯაანის მუნიციპალიტეტში მდებარე ატმის ბაღებიდან დაიწყო. ადგილობრივი ფერმერები ამბობენ,რომ აზიური ფაროსანას დროულად აღმოჩენა,მათ მავნებელთან ბრძოლას გაუადვილებთ.

აზიური ფაროსანას გავრცელების არეალის დასადგენად 1300 ცალი სპეციალური დამჭერი ხაფანგი განთავსდება.
მონიტორინგის სისტემების მეშვეობით მოხდება მავნებლის იდენტიფიცირება, ხოლო შედეგების მიხედვით დაიგეგმება მავნებლის საწინააღმდეგო ღონისძიებები. 

სურსათის ეროვნული სააგენტოს უფროსის, ზურაბ ჩეკურაშვილის თქმით, კახეთის რეგიონში მონიტორინგი გასულ წელსაც ჩატარდა.

"შარშან კახეთში მავნებლის გავრცელება და სასოფლო სამეურნეო კულტურების დაზიანება არ ყოფილა,დაკვირვება გაგრძელდება წელსაც.სახელმწიფო რესურსი სრულად არის მობილიზებული, საჭიროების შემთხვევაში შესაბამისი ზომების გასატარებლად"- განაცხადა ჩეკურაშვილმა.

Comments
Loading...