- Advertisement -

გურჯაანში უცნობი ჯარისკაცის საფლავი და დიდების მემორიალი გვირგვინებით შეამკეს

მეორე მსოფლიო ომის დასრულებიდან და ფაშიზმზე გამარჯვებიდან 76 წელი გავიდა.

გურჯაანის მუნიციპალიტეტის მერმა არჩილ ხანდამაშვილმა, მაჟორიტარმა დეპუტატმა დავით სონღულაშვილმა, მერის მოადგილეებმა თეიმურაზ ზავრაშვილმა, სიმონ ქოჩორაშვილმა და ვეტერანების საქმეთა კახეთის სამმართველოს უფროსმა თამაზ კალატოზიშვილმა, უცნობი ჯარისკაცის საფლავი და დიდების მემორიალი გვირგვინებით შეამკეს.

დიდების მემორიალზე, ტრადიციულად, წელსაც იყვნენ მერის წარმომადგენლები ადმინისტრაციულ ერთეულებში, რომლებმაც პატივი მიაგეს თავიანთი სოფლებიდან დაღუპული გმირების მემორიალებს და ყვავილებით შეამკეს.

” ჩვენმა ქართველებმა უზარმაზარი წვლილი შეიტანეს ფაშიზმზე გამარჯვებაში. ამ დროისთვის გურჯაანში მეორე მსოფლიო ომის მონაწილე მხოლოდ 1 ვეტერანი გვყავს, 99 წლის მარიამ ბეჟაშვილი, რომელსაც საჩუქრად გადავცემთ ფულად თანხას. მინდა ყველა ვეტერანს მივულოცო დღევანდელი დღე, მადლობა გადავუხადო გაწეული თავდადებისთვის და ჯანმრთელობა ვუსურვო. “ – განაცხადა გურჯაანის მუნიციპალიტეტის მერმა არჩილ ხანდამაშვილმა.

ვეტერანები, ასევე მიიღებენ მთავრობისგან დაწესებულ ერთჯერად დახმარებას – 1000 ლარს და პრეზიდენტის საჩუქარს.

Comments
Loading...