- Advertisement -

დამწვარი 3 სახლი და დაზარალებული 7 ოჯახი – ბათუმში ზარალს ითვლიან (ფოტორეპორტაჟი)

7 ოჯახი დაზარალდა 3 საცხოვრებელი სახლი კი დაიწვა – ასეთია საბოლოო მონაცემები ბათუმში გაჩენილი ხანძრიდან მეორე დღეს. დაზარალებული ოჯახების ნაწილმა ღამე ახლობელთან გაათია, ნაწილს კი ბათუმის მერიამ ალტერნატიული საცხოვრებელი ფართი უქირავა.

ამ დროისთვის ადგილზე ექსპერტ-კრიმინალისტები მუშაობენ. მათი დადკვნის საფუძველზე კი გახდება ცნობილი რა რაოდენობის ზარალზეა საუბარი. ამის შემდეგ ბათუმის მერია აჭარის მთავრობასთან ერთად დაზარალებულებს კონკრეტულ წინადადებებს შესთავაზებს.

ამ ეტაპზე მოსახლეობასთან მოლაპარაკება სამი მიმართულრბით მიმდინარეობს:

1. ხელისუფლება დაეხმარება ადგილობრივებს ინვესტოტის მოძიებაში, რომელიც ხანძრის ადგილას ახალ საცზოვრებელს ააშენებს.
2. შესთავაზებს საცხოვრებელ ფართს სხვა ტერიტორიაზე;
3. ფულადი კომპენსაცია.

რომელ შეთავაზებას აირჩევს დაზარალებული ოჯახები ეს მოლაპარაკების შემდეგ გახდება ცნობილი. ამ დროისთვის ისინი დამწვარი საცხოვრებლებიდან გადარჩენილ ნივთებს აგროვებენ.

ხანძრს მსხვერი არ მოჰყოლია. სამედიცინო დაწესებულებაში კი გუშინ სამი ადამიანი გადაიყვანეს. მათ შორის ერთი მეხანძრე-მაშველი მწვავე ინტოქსიკაციით. სამივე მათგანმა სამედიცინო დაწესებულება უკვე დატოვა.

Comments
Loading...