- Advertisement -

დედოფლისწყაროს მუნიციპალიტეტის სამი სოფლის მოსახლეობამ საავტომობილო გზა გადაკეტა

დედოფლისწყაროს მუნიციპალიტეტის სამი სოფლის მოსახლეობამ საპროტესტო აქცია გამართა და საავტომობილო გზა გადაკეტა. მათი თქმით, ზემო ქედის, ქვემო ქედისა და არხილოსკალოს კუთვნილი სასოფლო სამეურნეო დანიშნულების მიწები, წინა ხელისუფლებამ კერძო პირზე გაასხვისა, რომელმაც მიწა ,,საქართველოს ბანკში,, ჩადო და დღეს უკვე ბანკი აპირებს მის გაყიდვას.მოსახლეობა ამბობს,რომ ხელისუფლების შეცვლის შემდეგ აღნიშნული მიწის ფართობს ყოველწლიურად ამუშავებდნენ, ახლა კი ბანკმა დაცვის კომპანია დაიქირავა და გლეხებს საშემოდგომო ხვნა-თესვის სამუშაოების ჩატარების უფლებას არ აძლევს.

აქციის მონაწილეები ითხოვენ, ბანკმა პირდაპირი მიყიდვის ნაცვლად მოსახლეობასთან გონივრულ ფასში შეთანხმება მოახერხოს.

აქციის მონაწილეთა თქმით, საზღვრისპირა სოფლებში მიგრაცია აქტიურად მიმდინარეობს და თუ ადგილობრივებს,რომელთა ერთ-ერთი შემოსავალი წყარო მიწათმოქმედებაა,აღარ ექნებათ მიწის დამუშავების უფლება და 3600 ჰექტარი მიწა არ დაუბრუნდება სოფლების მოსახლეობას, სოფლებს დაცლის საშიშროება ემუქრება.

აქციის მონაწილეები პრობლემის გადაწყვეტაში დახმარებას ხელისუფლებისგან ითხოვენ.

Comments
Loading...