- Advertisement -

“ელესას” მეორე აუდიოალბომის პრეზენტაცია ქედის ღვინის ქარხნის სადეგუსტაციო დარბაზში გაიმართა

ქედაში, ვაჟთა ფოლკლორული ანსამბლი "ელესას" მეორე აუდიოალბომის პრეზენტაცია თბილისის შემდეგ, ქედის ღვინის ქარხნის სადეგუსტაციო დარბაზში გაიმართა. ამის შესახებ ინფორმაციას ქედის მუნიციპალიტეტის მერია ავრცელებს. პრეზენტაციას აჭარის განათლების, კულტურისა და სპორტის მინისტრის მოადგილე თეონა ბერიძე, მადონა თევზაძე, საქართველოს პარლამენტის წევრი ანზორ ბოლქვაძე, მუნიციპალიტეტის ხელმძღვანელი პირები და საზოგადოების სხვა წევრები ესწრებოდნენ.

ლევან გორგილაძემ ,,ელესას" თითეულ წევრს მადლობა გადაუხადა მუნიციპალიტეტში ფოლკლორული ხელოვნების აღორძინებისთვის და ანსამბლის წარმატებებზე ისაუბრა. მადლობა გადაუხადა ასევე ფონდ ,,ქართულ გალობას", რომლის ეგიდითაც გამოიცა მეორე ალბომი.

საკრებულოს თავმჯდომარემ შუქრი თურმანიძემ, რომელიც დაარსების პერიოდში ,,ელესას" წევრი გახლდათ, დასასრულს ანსამბლთან ერთად "მრავალჟამიერი" შეასრულა.

ღონისძიება კულტურის ცენტრის რეჟისორს ლია მახარაძეს მიყავდა.

Comments
Loading...