ელექტრომობილებისა და კვადროციკლებით აქცია მსვლელობა ბათუმში

გასართობი სატრანსპორტო საშუალებების მფლობელები ბათუმის ბულვარში პირველი მაისიდან ელექტრომობილებით მოძრაობის აკრძალვის შესახებ საკრებულოს მიერ მიღებულ გადაწყვეტილებას აპროტესტებენ.

აქციის მონაწილეები აცხადებენ, რომ შეზღუდვების წინააღმდეგ არ არიან, თუმცა მოქმედი 1500 ელექტრომობილიდან 300-ს მათი განმარტებით უნდა მიეცეს ბულვარში მოძრაობის უფლება, რადგან 250-მდე პირი, რომელიც ბულვარში კვადროციკლებს აქირავებდა, შემოსავლის გარეშე რჩება.

აქციის მონაწილეებმა დღეს პროტესტის ნიშნად მსვლელობა ბათუმის ბულვარიდან აჭარის მთავრობის სახლამდე მოაწყეს და 50-მდე ელექტრომობილი მთავრობის ადმინისტრაციასთან გააჩერეს.

“საკრებულომ უნდა შეცვალოს გადაწყვეტილება, 250-მდე ადამიანი რჩება უშემოსავლოდ, მათ სოციალურ მდგომარეობაზე არავინ ფიქრობს”-აცხადებს უფლებადამცველი თამაზ ბაკურიძე.

აქციის მონაწილეები აჭარის მთავრობის წარმომადგენლებთან შეხვედრას ითხოვენ. წინააღმდეგ შემთხვევაში აქციებს მაშტაბური სახე მიეცემა.