- Advertisement -

ზუგდიდში გარემოვაჭრეებსა და ადგილობრივ ხელისუფლებას შორის შეთანხმება კვლავ ვერ შედგა

გარემოვაჭრეებსა და ადგილობრივ ხელისუფლებას შორის შეთანხმება კვლავ ვერ შედგა. საკრებულოს სხდომიდან გამოსულმა გარემოვაჭრეებმა განაცხადეს, რომ ისინი ძველ ადგილებს დაუბრუნდებიან და იქ გააგრძელებენ მუშაობას. ისინი ამბობენ, რომ მერიის მიერ შეთავაზებულ ალტერნატიულ ფართს მარცხენა სანაპიროზე იმ შემთხევაში დასთანხმდებიან, თუ შესაბამის პირობებს შეუქმნიან.

„ვერც დღეს მივაღწიეთ შეთანხმებას, არ ვაპირებთ დათმობას წავალთა და ისივე იქ დავიწყებთ ვაჭრობას სადაც ადრე. მარცხენა სანაპიროზე იმ შემთხვევაში გადავალთ თუ იქ ნორმალური სამუშაო პირობები და საკმარისი ადგილები იქნება", – აცხადებენ გარემოვაჭრეები.

თავის მხრივ ადგილობრივი ხელისუდლების წარმომადგენლების თქმით, ზუგდიდში გარევაჭრობა არ იქნება დაშვებული და თუ ისინი კვლავ ძველ ადგილებზე დაიწყებენ მუშაობას მათ კანონის წინაშე მოუწევთ პასუხის გება.მათ სავაჭრო საქონელი მოიტანეს და მუშაობა განაახლეს.

გარემოვაჭრეები უკვე მესამე დღეა გარევაჭრობის ნებართვას ითხოვენ. ისინი დილიდან ზუგდიდის მერიის შენობის წინ იმყოფებოდნენ. პარალელურად, საპროტესტო აქცია ბაზრის შიდა მოვაჭრეებმაც გამართეს. ისინი გარევაჭრობას აპროტესტებენ.

Comments
Loading...