- Advertisement -

ზუგდიდში, სოფელ ინგირში მოსახლეობა ცენტრალურ ქუჩაზე კანალიზაციის მილის გაყვანას აპროტესტებs

ზუგდიდის მუნიციპალიტეტის სოფელ ინგირში მოსახლეობა დილიდან აქციას მართავს. ადგილობრივები ცენტრალურ ქუჩაზე კანალიზაციის მილის გაყვანას აპროტესტებენ, რადგან მათი თქმით, მილთან დაქსელვა და მოსახლეობის კანალიზაციის ჭების მიერთება პროექტში გათვალისწინებული არ არის.

"აქ სულ წყალი დგას, როცა გაწვიმდება და ეზოები იტბორება, ჩადეს პატარა მილები, მაგრამ არაფერმა უშველა, მერე გვითხრეს რომ კანალიზაცია გაკეთდება და იქ მოხდება შეერთებაო, მაგრამ ახლა კომპანიის წარმომადგენელი გვეუბნება, რომ პროექტში გათვალისწინებული არ არის და არ შეერთდებაო.ჩვენ არ გავატარებთ ტექნიკას, აქ დავდგებით, მოგვიტანონ დოკუმენტი და გვანახონ, რომ მოხდება დაქსელვა",- ამბობს ერთ-ერთი ადგილობრივი.

ადგილზე იმყოფებოდა სოფლის რწმუნებული შალვა ქავთარაძე, რომელმაც ჟურნალისტებთან განაცხადა, რომ პრობლემის შესახებ ცნობილია ადგილობრივი ხელისუფლებისთვის და მისი მოგვარება მოხდება. ასევე აქციის მონაწილეებთან წყალმომარაგების კომპანიის ხხარისხის მართვის სამსახურის წარმომადგენელიც იმყოფებოდა. ლევან სარჯველაძის თქმით, ისინი პროექტზე დამატებითი სამუშაოების დატანას და ხარისხის კონტროლს აწარმოებენ, რათა მოხდეს გამორჩენილი საკითხების დამატება პროექტში. შესაბამისად, სარჯველაძის თქმით, არც ერთი მოსახლე არ დარჩება უკმაყოფილო.აქცია მას შემდეგ დაიშალა, რაც ადგილზე წყალმომარაგების კომპანიუის წარმომადგენლები მივიდნენ და ადგილობრივებს ცენტრალურ სისრტემასთან ეტაპობრივად შეერთების პირობა მისცეს.

Comments
Loading...