- Advertisement -

ზუგდიდში 48 ტონა დარჩეული თხილის ქურდობის საქმეზე სასამართლო პროცესი მიმდინარეობს

ზუგდიდის რაიონულ სასამართლოში გრძელდება 48 ტონა დარჩეული თხილის ქურდობის ფაქტზე ბრალდებულთა სასამართლო პროცესი. სასამართლო სხდომაზე დღეს ბრალდების მხარის მოწმეები იკითხებიან.

პროკურატურის მტკიცებით, შემთხვევა მოხდა 2016 წლის 6- 19 ნოემბერს, ქ ფოთში მდებარე შპს კავტრექს ფოთის საბაჟო ტერმინალიდან სანამ კონტეინერი ნავსადგურში შევიდოდა დაიკარგა 24-24 ტონა დარჩეული თხილის გული. მომხდარი მას შემდეგ გახდა ცნობილი, რაც კონტეინერები დანიშნულების ადგილზე, იტალიაში ჩავიდა. სისხლის სამართლის საქმე 2016 წლის დეკემბერში აღიძრა.

საქმეში ბრალდებულია ოთხი პირი. გამოძიება მიმდინარეობს 177 მუხლის მეორე, მესამე, მეოთხე ნაწილით.

ბრალდებულებს აღკვეთის ღონისძიების შეფარდების საფუძვლების მორიგი გადამოწმებისას სასამართლომ ჩათვალა რომ დაპატიმრების საფუძველი აღარ არსებობდა და 6 თვის შემდეგ პატიმრობა გირაოთი შეუცვალა.

Comments
Loading...