- Advertisement -

ზურაბ ალავიძემ ჭიათურა-სკინდორის 6 კმ-იანი გზის რეაბილიტაცია დაათვალიერა

რეგიონების მასშტაბით შიდა გზების რეაბილიტაცია გრძელდება. ათეული წლების განმავლობაში დაზიანებული გზების აღდგენა და საგზაო ინფრასტრუქტურის მოწესრიგება მთელი ქვეყნის მასშტაბით მიმდინარეობს,- ამის შესახებ ინფორმაციას ინფრასტრუქტურის სამინისტრო ავრცელებს. 

ამჯერად, რეგიონული განვითარებისა და ინფრასტრუქტურის მინისტრი ზურაბ ალავიძე იმერეთის რეგიონში იმყოფებოდა, სადაც ჭიათურა-სკინდორის დამაკავშირებელი 6 კილომეტრიანი საავტომობილო გზის რეაბილიტაცია დაათვალიერა.

აღნიშნულ მონაკვეთზე მიმდინარეობს ასფალტის საფარის დაგება და საგზაო ინფრასტრუქტურის მოწყობა. კეთდება ორფენიანი ასფალტ-ბეტონის გზა და
გრუნტის სანიაღვრეები.

ნოემბრის ბოლოდან, ადგილობრივები ახალი გზით უსაფრთხო და კომფორტულ გადაადგილებას შეძლებენ. პროექტის ჯამური ღირებულება 1, 5 მლნ ლარს შეადგენს.

Comments
Loading...