- Advertisement -

თალაკვაძე: მთავრობის შემცირება მოცულობაში, ადმინისტრაციული დანახარჯების შემცირებასაც იწვევს

" მმართველობის რეფორმა არის პრემიერ–მინისტრის და მთავრობის ოთხპუნქტიანი გეგმის ერთ–ერთი მნიშვნელოვანი მიმართულებაა"- აღნიშნულის შესახებ ჟურნალისტებთან საპარლამენტო უმრავლესობის ლიდერმა არჩილ თალაკვაძემ განაცხადა.

თალაკვაძის თქმით თუ როგორ მოხდება რესურსების გადანაწილება, ამაზე საუბარი მას შემდეგ იქნება შესაძებელი, რაც პრემიერმინისტრი გეგმას პარლამენტში წარმოადგენს.

„მმართველობის რეფორმა არის პრემიერმინისტრის და მთავრობის ოთხპუნქტიანი გეგმის ერთ–ერთი მნიშვნელოვანი მიმართულება. ბუნებრივია, რეფორმები ამ მიმართულებით გრძელდება. ეს არ არის ერთდღიანი პროცესი და სჭირდება დრო, რომ მოხდეს დეტალურად განხილვა, კონკრეტულად რა ცვლილებები მოხდება და რომელი სამსახურები სად გადადის. პირველ რიგში, ეს არის გამიზნული იმისათვის, რომ მთავრობა გახდეს უფრო ეფექტური, კოორდინაციის მექანიზმები გახდეს კიდევ უფრო სწრაფი და მოქნილი და ამის შემდეგ ძალიან მნიშვლენოვინია, რომ მთავრობის შემცირება მოცულობაში იწვევს, ასევე ადმინისტრაციული დანახარჯების შემცირებას. 2018 წლის ბიუჯეტი დაგეგმილია მთავრობის მიმიდნარე ხარჯების ერთნახევარ პროცენტიან შემცირებაზე თუ რა მიმართულებით მოხდება რესურსების გამოთავისუფლება ამას დავინახავთ მას შემდეგ, რაც პრემიერ–მინისტრი დეტალურ გეგმას წარმოადგენს პარლამენტში“–განაცხადა თალაკვაძემ.

Comments
Loading...