- Advertisement -

თელავის სამხატვრო სკოლის მოსწავლეებისათვის Street art-ის მასტერკლასი ჩატარდა

თამაზ ანთაძის სახელობის სპორტული კომპლექსის საკონფერენციო დარბაზში Street Art – ის მასტერკლასი და ვორქშოპი ჩატარდა. შეხვედრას Georgian Street Art Federation / საქართველოს ქუჩის ხელოვნების ფედერაცია -იის დამფუძნებლები უძღვებოდნენ. 

ელენე ახვლედიანის სახელობის სამხატვრო სკოლის სხვადასხვა ასაკის მოსწავლეები პედაგოგებთან და სხვა დაინტერესებულ მონაწილეებთან ერთად გაეცნენ Street Art -ის თანამედროვე ტექნოლოგიებს, ხოლო მოგვიანებით მიღებული ცოდნა პრაქტიკაში განახორციელეს. 

"ძალიან საინტერესო ვორქშოპი იყო. ბავშვებმა საკუთარი ხელით დაამზადეს Street Art – ის პირველი პორტრეტული ნიმუშები, რომლებიც აღბეჭდეს მიმდებარე სარეაბილიტაციო კედელზე. მერიას შემუშავებული აქვს პროექტი, რომელიც ქალაქში არსებული რიგი შენობების, რომლებიც არც თუ ისე სახარბიელოდ გამოიყურება, ასევე ზებრა გადასასვლელების მოწყობას და გაფერადებას გულისხმობს, ქუჩის მხატვრობა კი ამის ძალიან კარგი საშუალებაა. ეს ვორქშოპიც სწორედ ამას ემსახურებოდა, განსაკუთრებით აქცენტი გაკეთდა სამხატვრო სკოლის მოსწავლეებზე, რომლებიც ყველაზე კარგად ერკვევიან ამ საკითხში. ჩვენი სამომავლო პროექტისათვის მოხდება ისეთი შენობების შერჩევა, რომლბიც არის მუნიციპალიტეტის და არა კერძო პირის ბალანსზე. შენობებისა თუ ზებრა გადასასვლელების მოხატვაში მონაწილეობას თელავის სამხატვრო სკოლის მოსწავლეები მათ ტრენერებთან ერთად მიიღებენ", – აღნიშნა თელავის მერიის კულტურის სამსახურის უფროსმა, ფიქრია ყუშიტაშვილმა.

Comments
Loading...