- Advertisement -

თეონა ჭალიძე: 9 დეკემბერს “შემოქმედ ქალთა ფესტვალი“ გაიმართება

9 დეკემბერს, „შემომედ ქალთა ფესტივალი" გაიმართება. ფესტივალი წელს მესამედ ტარდება და მასში სხვადასხვა სფეროთი დაინტერესებული შემოქმედი ქალბატონები იღებენ მოაწილეობას. ფესტვალის ორგანიზატორი „ახალი საქართველოს“ ქალთა ორგანიზაციის ხელმძღვანელი, თეონა ჭალიძეა. ის უკვე მესამე წელია ქალებისთვის აწყობს ამ დღესასწაულს. 

"უკვე ტრადიციულად მესამედ იმართება ,,შემოქმედ ქალთა ფესტივალი 2017“ , რომელშიც ორმოცდაათზე მეტი შემოქმედი ქალი მონაწილეობს. წარმოდგენილი იქნება ქალების მიერ სხვადასხვა ტექნოლოგიით შექნილი ნიმუშები. მოეწყობა გამოფენა-გაყიდვაც. ფესტივალის მიზანია შემოქმედი ქალების გააქტიურება, ყოველ წელს გვყავს დებიუტანტებიც. მათთვის მნიშვნელოვანია თავის წარმოჩენისთვის ქალთა ფესტივალი, სადაც გამოცდილებას უზიარებენ უკვე გამოცდილი შემოქმედებიც, რომლებისთვისაც თავიანთი შემოქმედება მცირე ბიზნესად არის ქცეული. ქალთა ეკონომიკური გაძლიერება ჩვენი ქვეყნისთვის ძალიან მნიშვნელოვანია. ფესტივალის შემდეგ მონაწილეებს პიარ საკონსულტაციო კომპანია ,,პიარ რებუსი“ გაუწევს კონსულტაციას თუ როგორ შექმნან თავიანთი ბრენდი, როგორ აქციონ შემოქმედება ბიზნესად და რა ნაბიჯებია ამისთვის საჭირო,“ – განაცხადა თეონა ჭალიძემ.

"შემოქმედ ქალთა ფესტივალი 2017“ 9 დეკემბერს, სავაჭრო ცენტს „მეგალაინის“საკონფერენციო დარბაზში, 11 დან 16 საათამდე გაიმართება. ფესტივალი ,,ახალი საქართველოს“ ქალთა ორგანიზაციის მხარდაჭერითა და საინიციატივო ჯგუფი ,,ქალები საქართველოსთვის“ ინიციატივით იმართება.
 

Comments
Loading...