- Advertisement -

კახეთის გუბერნია: საწვავის ხარჯის ზრდა საწვავზე ფასების ზრდამ განაპირობა

"ლეიბორისტული პარტიის" კახეთის რეგიონალური ხელმძღვანელის ბრიფინგს გამოეხმაურნენ კახეთის გუბერნიაში. გუბერნიის ადმინისტრაციაში განმარტავენ, რომ საწვავის ლიმიტი გასულ წელთან არ გაზრდილა, ხოლო თანხის მომატება საწვავზე ფასების ზრდამ განაპირობა.

"ინფორმაცია სიმართლეს არ შეესაბამება, იმიტომ რომ ეს არ არის შეძენილი, არამედ სახელშეკრულებო თანხაა, რომელიც წლის განმავლობაში ყოველთვიური გახარჯვის მიხედვით იქნება დაანგარიშებული. როგორც წესი, წლის ბოლოს გახარჯული თანხა უფრო ნაკლებია ხოლმე. ხაზგასმით მინდა აღვნიშნო, რომ გასულ წელთან შედარებით ეს ლიმიტი არ გაზრდილა. თანხის ზრდა გამოიწვია იმან, რომ ტარიფები გაიზარდა. საწვავის ლიმიტი მინიმალური ფუნქციონირებისთვის არის გათვალისწინებული. გასულ წელს იგივე თანხა იყო დაგეგმილი, თუმცა 60 000 ლარი გახიარჯა,"- აღნიშნა გუბერნიის ადმინისტრაციის უფროსმა ნინო უტიაშვილმა.

შეგახსენებთ, რომ "ლეიბორისტული პარტიის" რეგიონალური ორგანიიზაციის ხელმძღანელი კახეთის გუბერნატორს საწვავის არამიზნობრივ ხარჯვაში ადანაშაულებს. ამის შესახებ ნიკა ვარდოშვილმა დღეს გამართულ ბრიფინგზე განაცხადა. მისი თქმით,მიმდინარე წლის ბიუჯეტში საწვავის თანხა 80 ათას ლარს შეადგენს, რაც არარეალურია.

Comments
Loading...