- Advertisement -

კახეთის მერი: კახეთში ძაღლების თავშესაფრის პროექტის განხილვა მომავალ კვირას გაიმართება

კახეთში ძაღლების თავშესაფრის პროექტის განხილვა მომავალ კვირას გაიმართება – ამის შესახებ "აიპრესს" თელავის მერმა განუცხადა.
შოთა ნარეკლიშვილის თქმით, უკვე არსებობს თავშესაფრის პროექტის მონახაზი, რომლის შიდა განხილვაც მომავალ კვირას შედგება.

"აღნიშნული პრობლემის მოგვარებაში კახეთის რვავე მუნიციპალიტეტია ჩართული.

გარკვეულ კომპნიას ვთხოვეთ საკითხში დახმარება, პროექტი უკვე არსებობს, რომელსაც მომავალ კვირას შიდა პრეზენტაციის დროს განვიხილავთ. იმ შემთხვევაში კი, თუ აღნიშნული პროექტი მოწონებას დაიმსახურებს, საჯარო განხილვაც მოეწყობა. თავშესაფრის აშენების ადგილის ერთ-ერთ ვერსიად გურჯაანის მუნიციპალიტეტი განიხილება, თუმცა ამ საკითხზეც საბოლოოდ შევჯერდებით უახლოეს მომავალში, რაც შეეხება რაოდენობას, თავშესაფარი მინიმუმ 100-150 ძაღლზე იქნება გათვლილი. "- განაცხადა "აიპრესთან" საუბრისას ნარეკლიშვილმა.

Comments
Loading...