- Advertisement -

კახეთში ყველაზე მოთხოვანდი ტურისტული ზონა თუშეთია

 

კახეთში ყველაზე მოთხოვნადი ტურისტული ზონა თუშეთია. ბოლო ხუთი თვის მონაცემებით, მთაში 14 306 ვიზიტორი დაფიქსირდა.

თუშეთის დაცული ტერიტორიები კახეთის რეგიონში, ახმეტის მუნიციპალიტეტში მდებარეობს და თუშეთის სახელმწიფო ნაკრძალს, თუშეთის ეროვნულ პარკსა და თუშეთის დაცულ ლანდშაფტს აერთიანებს.ტურისტების ძირითადი ინტერესის საგანი ის სახიფათო გზაა, რომელიც მსოფლიოს საშიშ გზების ათეულში მოხდვა.

მთელი სეზონის განმავლობაში თუშეთით როგორც ქართველი, ასევე უცხოელი ტურისტები ინტერესდებიან. მოთხოვნა გაზრდილია საოჯახო სასტუმროებზე და კაფეებზე. ასევე ადგილზე დამზადებულ თექის ნივთებზე რომელიც დიდი პოპულარობით სარგებლობს.

თუშეთის გზა სოფელ ფშაველიდან იწყება და აბანოს უღელტეხილზე გადის, ზღვის დონიდან 2950 მეტრზე. გზის სიგრძე 72 კილომეტრია, თუმცა მის გავლას დაახლოებით 4 საათი სჭირდება. გზის დიდი ნაწილი კლდეებზე და მთებზეა გაჭრილი.

უღელტეხილზე დიდთოვლობის გამო გზა ოქტომბერში, თითქმის 7 თვით იკეტება, მაისის შუა რიცხვებამდე. ამ პერიოდში თუშეთში მოხვედრა მხოლოდ ვერტმფრენით არის შესაძლებელი.

Comments
Loading...